DELF/DALF-н олон улсын шалгалт

Энэхүү түвшинд та өөрийгөө танилцуулах, өөрийн хийсэн зүйлс болон  дуртай зүйлийнхээ талаар ярих эсвэл энгийн асуулт асууж сурах болно. Энэхүү эхний шат нь таны Франц хэлний мэргэжилтэн болох замын эхний алхам юм.  

Энэхүү түвшин нь таны франц хэлний суурь мэдлэгийг илүү бататгаж өгнө. Хэрваа та Франц руу аялалаар явах гэж байгаа бол энэхүү түвшин таны хэрэгцээнд яг тохирох болно. Та төрөл бүрийн том сэдвээр ярилцаж чадахгүй ч гэсэн амралтын өдрөө төлөвлөж, очих гэж буй газрын талаар дэлгэрэнгүй мэдээлэл авах, өөрийн болон бусдын дурсамжийг хуваалцаж ойлгох бүрэн чадварыг эзэмшсэн байх болно.

Тиймээ! Та энэ хүртэл ирсэн байна! Та өөрийн мэдрэмж, сэтгэл хөдлөл болон хүслээ бусдад илэрхийлж чадах түвшинд хүрсэн байна. Энэхүү түвшинд та яагаад санал нийлж байгаа эсвэл нийлэхгүй байгаа талаараа  бусдад тайлбарлах чадвартай болно. B1 нь дунд түвшний эхлэл ба хэрэв та Францад амьдрах гэж байгаа бол энэхүү түвшинд өдөр тутмын амьдрал, ажил мэргэжлийн үндсэн асуудалыг төвөггүйгээр ойлгох төдийгүй ба найд нөхөдийн харилцаа ч үүсгэж чадна. 

Тийм ээ, хэрвээ та Францын их дээд сургуулиудад суралцах зорилготой байгаа бол таны хүссэн түвшин бол B2 юм. Яагаад гэвэл энэхүү түвшинд та бусадтай бүх сэдвээр мэтгэлцэх чадвартай болно. Та ямар нэгэн асуудалгүйгээр эссэ бичих чадварыг эзэмших ба бусадтай чөлөөтэй ярилцах түвшинд хүрэх болно.

С1-н хэл шинжлэлийн хувьд мэргэжлийнх гэж хэлж болно. Та франц хэлтэн орнуудад ямар ч асуудалгүй ажиллаж амьдрах чадвартай болох ба энэ их дээд сургуулийн түвшин юм. Та франц хэл соёлыг нэвтэрхий эзэмшсэн гэж хэлж болох ба алдарт зохиолч  Александр Дюма шиг л францаар ярьж бичиж чадна гэж хэлэхэд хэлсдэхгүй.

​

Хэрвээ та францын байгууллагад ажиллахаар зорьж байгаа бол С1 түвшин эзэмшсэн гэж CV-гээ баяжуулаарай!

С2 түвшинг бүрэн дүүрэн эзэмшсэн бол та яг л Balzac шиг төрөлх франц хэлтэн мэт бүх сэдвээр чөлөөтэй ярилцаж ойлголцох болно. Одоо танд ердөө л Edith Piaf болон Michel Sardou-н дууг цээжээрээ дуулж сурах л үлдлээ.